Ван дер Белен положи заклетва на функцијата претседател на Австрија

Од:

Александар Ван дер Белен на денешната церемонија на преземањето на вториот шестгодишен мандат како претседател на Австрија повика на појасно меѓународно позиционирање на Европската унија, односно утврдување на нејзината геостратешка улога.

Ван ден Белен (79) пред членовите на двата дома на австрискиот Парламент посочи дека доколку ЕУ не го стори тоа ќе им се дозволи, како што рече „другите да владеат со нас“.

Поранешниот лидер на Партијата на зелените во интервју дадено за националниот јавен сервис „ORF“ пред церемонијата на положување заклетва, беше запрашан дали на лидерот на екстремно десничарската Партија на слободата на Австрија (FPÖ), Херберт Кикл, ќе му додели мандат за формирање влада по евентуална изборна победа, на што одговори дела ќе се обиде да не „промовира антиевропска партија, партија која не ја осудува војната на Русија против Украина“.

Истражувањето спроведено за списанието „Профил“ сугерира дека 28 отсто од Австријците моментално го поддржуваат „FPÖ“. Според истражувањето, зад партијата заостануваат и Социјалдемократската партија на Австрија (SPÖ) со 24 проценти и конзервативната Австриска народна партија (ÖVP) предводена од канцеларот Карл Нехамер со 22 отсто доверба кај граѓаните.

Ван дер Белен победи на претседателските избори во октомври со 56,7 отсто од гласовите. Повеќето од другите парламентарни партии го поддржаа популарниот шеф на државата и се воздржаа да се кандидираат со свои кандидати. Само „FPÖ“ и некои помали групи застанаа против него.

Извор: МИА

Би можело да ве интересира

Малолетничка од Црна Гора сакала да изврши напад во Грац

Горан Наумовски

Голема лавина во Австрија: Четворица затрупани во снег, тројца мртви

Србин е уапсен во Австрија за силување жена

Селекторот на Австрија отстрани тројца играчи од тимот поради хомофобија

Tри борбени кучиња во Австрија убија жена, сопственичката на животните е осудена

Авганистанец е осомничен за убиството на три сексуални работнички во бордел во Виена

Горан Наумовски