Српските државјани Саша К., Милован Д. и Саша Ј. се осомничени дека на 29 мај во Восендорф, Австрија брутално претепале двајца мажи, татко и син, на возраст од 29 и 66 години, по што постариот маж поради тешките повреди починал во болница.
Австриската полиција објавила потрага по тројца Срби, а според австриските медиуми, по расправија меѓу петмина, Србите брутално ги нападнале таткото и синот наводно тепајќи ги со раце и нозе.
Очевидци на драмата што се случила по забава повикале полиција, а во меѓувреме насилниците побегнале со автомобил во непознат правец, пишува австрискиот дневен весник „Кроне“.
Шеесет и шестгодишен маж почина во четвртокот како последица на тешките повреди, а потрагата по тројцата осомничени Срби продолжува поради извршеното убиство и нанесување на тешки повреди.