Ван дер Белен е победник на претседателските избори во Австрија

Од:

Актуелниот претседател Александар Ван дер Белен е победник на неделните претседателски избори во Австрија, според првите проекции објавени по затворањето на гласачките места. Според првите излезни анкети, овој 78-годишен независен кандидат освои 54,6 отсто од гласовите и е далеку пред другите шест кандидати.

Официјалните изборни резултати ќе бидат објавени во понеделник.

Доколку актуелниот претседател освои повеќе од 50 отсто од гласовите, Австрија ќе избегне втор круг на гласање. Право на глас имаа околу 6,4 милиони луѓе од вкупно девет милиони жители во Австрија.

Поранешниот лидер на Зелените се кандидираше како независен кандидат. Но, тој има експлицитна или имплицитна поддршка од најголемите австриски партии, освен екстремно десничарската Партија на слободата (FPOe).

Претседателската функција, со мандат од шест години, е главно свечена во Австрија.

Би можело да ве интересира

Србин е уапсен во Австрија за силување жена

Селекторот на Австрија отстрани тројца играчи од тимот поради хомофобија

Tри борбени кучиња во Австрија убија жена, сопственичката на животните е осудена

Авганистанец е осомничен за убиството на три сексуални работнички во бордел во Виена

Горан Наумовски

За помалку од 24 часа во Виена се убиени четири жени и едно девојче

Авганистанец уби три жени во Виена