Поранешниот полски претседател и коосновач на синдикалното движење „Солидарност“, Лех Валенса, денеска ја поздрави одлуката на актуелниот шеф на државата, Анджеј Дуда, да стави вето врз двата спорни закона, со кои се ограничува незивисноста на судската власт, пренесоа американските медиуми.
Двата закона, за Врховниот суд и за Националниот судски совет, се главните во реформата на судскиот систем, што ја турка владеачката популистичка партија „Право и правда“
Валенса денеска изјави дека Дуда „почнува да се чувствува како претседател“.
Легендарниот борец за демократија ги повика луѓето да продолжат со секојдневните масовни протести и да го натераат Дуда да го отфрли и третиот закон од пакетот за измени во судската власт.