Највисокиот суд во Кувајт денеска нареди распуштање на парламентот и оддржување нови избори, соопшти висок кувајтски судија, цитиран од британските медиуми.
Уставниот суд ја објави својата одлука откако ја отфрли жалбата на опозицијата за промените во избирачкиот систем, објавени со указ на емирот на Кувајт шик Сабах ал Ахмад ал Џабер ас Сабах, изјави судијата Јусеф ал Мутава.
Предметот има меѓународно значење, затоа што политичката стабилност во емиратот, што поседува над шест проценти од светските резерви на нафта, традиционално зависи од соработката меѓу владата и избраниот парламент – најстариот и најмоќен законодавен орган во арапските земји од Заливот, забележаа британските медиуми.