Претседателката на Европската комисија, Урсула фон дер Лајен, е во самоизолација откако неодамна имала контакт со лице заразено со Ковид-19, напиша денеска самата на Твитер, пренесе ДПА.
I’ve been informed that I participated in a meeting last Tuesday attended by a person who yesterday tested positive for COVID-19. In accordance with regulations in force, I’m therefore self-isolating until tomorrow morning. I’ve tested negative on Thursday & am tested again today
— Ursula von der Leyen (@vonderleyen) October 5, 2020
„Ме известија дека на состанокот на кој учествував минатиот вторник присуствувало и лице кое од вчера е позитивно на Ковид-19“, напиша таа.
Фон дер Лајен напиша и дека во четвртокот веќе направила еден тест и дека била негативна за присуството на коронавирус, и дека подоцна денеска треба да направи уште еден, додаде германската агенција.
Таа кажа дека во самоизолација ќе биде до „рано во вторник, во согласност со важечките прописи“, пренесе ДПА.