Двајца мажи се ранети денеска во напад на украинските сили на манастирот „Свети Никола“ во самопрогласената Доњецка Народна Република (ДНР), соопшти лидерот на ДНР, Денис Пушилин.
Тој на Телеграм изјави дека украинските сили ја гранатирале територијата што му припаѓа на манастирот. Како што прецизира Тасс, повикувајќи се на неименувани извори од регионалните служби за итни случаи, ранети се еден монах и еден верник.
Во нападот била оштетена инфраструктурата на манастирот. Според Агенцијата за вонредни ситуации, украинските сили користеле касетна муниција во нападот. На територијата на манастирот во моментов живеат 45 монаси, рече игуменијата Ана Морозова.