Украинската војска денеска соопшти дека Русија повлекла одреден број војници од градовите на спротивниот брег.
Во соопштението нема други детали, а не се споменува ниту евентуален премин на украинските сили преку реката Дњепар. Украинските власти, исто така, нагласија дека Русија го засилила гранатирањето преку реката, повторно оштетувајќи ја електричната мрежа во Херсон, каде почнало обновувањето речиси три недели откако руската армија го напушти градот и се повлече преку реката.
Откако Русија го напушти Херсон минатиот месец, во деветтиот месец од нејзината инвазија на Украина, реката Дњепар сега ја формира целата линија на јужниот фронт, пренесува Хина.
Русија веќе им порача на цивилите да ги напуштат градовите на оддалеченост од 15 километри од реката и да ја повлече својата цивилна администрација од градот Нова Каковска, кој е на брегот на реката. Украинските власти претходно соопштија дека Русија повлекла дел од артилерија во близина на реката на побезбедни позиции подалеку, но ова е првпат да соопштат дека руски сили ги напуштаат градовите.
Извор: МИА