Украина соопшти дека гради армирано-бетонски ѕид и други видови барикади на границата со Белорусија, близок сојузник на Кремљ од каде Русија делумно ја започна инвазијата на Украина на 24 февруари. Советникот на украинскиот претседател Кирил Тимошенко изјави дека во областа Волин на границата со Белорусија е подигнат ѕид долг 3 километри покриен со бодликава жица.
Киев наведува дека Белорусија останува закана. Поставени се и вреќи со песок, а се копаат ровови, рече Тимошенко. „Тоа не е се, но нема да ги откриеме деталите“, рече советникот на Зеленски.
#Ukraine is building a wall on the border with #Belarus
The photo was published by the Deputy Head of the Office of the Ukrainian President Kyrylo Tymoshenko.
A representative of the Presidential Office said that 3 km of the fence has already been built and work is continuing. pic.twitter.com/Jp3gd844sq
— NEXTA (@nexta_tv) November 11, 2022
Тој додаде дека во тек се и други работи во регионите Ривне и Житомир, кои исто така граничат со Белорусија. Тимошенко објави фотографии од чуварите како одвиткуваат бодликава жица.
Украинскиот министер за одбрана изјави за Ројтерс дека се уште постои закана од Белорусија, но дека тамошните сили се „во пасивна позиција“. Границата на Украина со Белорусија е долга повеќе од 1.000 километри.