Полицијата во Сиднеј уапси две лица, татко и син, кои се осомничени дека предизвикале еден од пожарите во Австралија, каде пожарникарите и натаму се борат со огнената стихија, која веќе уништи 28 куќи и стигна до водечката опсерваторија на континентот.
Таткото и синот, кои полицијата ги уапси доцна синоќа по локално време, намерно го запалиле објектот за да ја уништат лабораторијата за производство на дрога, сокриена во густата вегетација на Сините планини, пренесоа британските медиуми.
Пожарот во националниот парк Сини Планини, западно од Сиднеј, се појави минатата недела, и во него се уништени повеќе од 50 хектари ниска вегетација.
Огнот денеска стигна до Сајдингс спрингс, каде во објектите на опсерваторијата, што е евакуирана заради пожарот, се наоѓаат џиновските американско-австралиски телескопи со чија помош се откриени 30 нови планети во вселената.
Повеќе од 140 пожари во изминатата недела гореа во широката област на север и запад на австралсиката држава Нов Јужен Велс и на островот Тасманија