Турските власти издадоа налози за апсење на неколку опозициски функционери во Истанбул и спроведоа рации во општини управувани од опозицијата, објавија денес државните медиуми.
Новинската агенција Анадолу и телевизијата НТВ објавија дека се издадени 47 налози за апсење и дека досега се приведени 28 лица во четири одделни истраги за наводна корупција.
Полицијата изврши рации во општинските згради, а главната опозициска Републиканска народна партија (ЦХП) свика итен состанок во Истанбул.