Московскиот окружен суд Басмани ги уапси Александар Билин, Олег Антипов и Дмитриј Тјазелик, осомничени за неодамнешниот напад на мостот на Крим, пишува Тасс.
„Окружниот суд во Москва, Басмани ги разгледа барањата на предистражните органи Александар Билин, Олег Антипов и Дмитри Тјазелик, обвинети за сторено кривично дело од член 205.2 од Кривичниот законик на Русија (терористички напад), да бидат притворени како рестриктивна мерка. Судот им одреди притвор до 8 декември“, се вели во соопштението.
Камион експлодираше на мостот на Крим утрото на 8 октомври. По експлозијата се запали воз со гориво, а едната страна од патот е целосно уништена. Во експлозијата загинаа четири лица.
Рускиот истражен комитет претходно соопшти дека идентификувал 12 лица кои биле директно вклучени во нападот, кој се смета за терористички акт во Русија.