Привремени ограничувања за летови се воведени на аеродромите Внуково, Домодедово, Жуковски и Калуга, објави РИА Новости.
Во меѓувреме, силите за воздушна одбрана уништија пет украински беспилотни летала во регионот Калуга, објави денес локалниот функционер Владислав Шапша.
Според него, во нападите нема повредени ниту материјална штета, пренесува Блиц, повикувајќи се на Танјуг.
Регионалната администрација на Иваново соопшти дека остатоците од украински дрон паднале во индустриска зона во Кинешма и оштетиле објект за складирање и пакување, но дека никој не е повреден.
Според руската агенција, нападите со украински беспилотни летала на руска територија се интензивирале во последните денови, како и врз Москва, а претходниот ден воздушната одбрана уништила 51 беспилотно летало во централниот округ.