Републиканскиот кандидат на американските претседателски избори, Доналд Трамп, тврди дека победил во неизвесните држави Пенсилванија, Џорџија, Северна Каролина, како и во Мичиген, но актуелниот претседател, како и во текот на целиот ден, преку Твитер уште еднаш се пожали на нерегуларности на изборите и алудираше на тоа дека тие се наместени.
We have claimed, for Electoral Vote purposes, the Commonwealth of Pennsylvania (which won’t allow legal observers) the State of Georgia, and the State of North Carolina, each one of which has a BIG Trump lead. Additionally, we hereby claim the State of Michigan if, in fact,…..
— Donald J. Trump (@realDonaldTrump) November 4, 2020
„Ги добивме, за цели на електорските гласови: државата Пенсилванија (која не дозволува легални набљудувачи), Државата Џорџија и Државата Северна Каролина, а во секоја во нив има ГОЛЕМО водство за Трамп. Дополнително, ја освојуваме и Државата Мичиген, освен ако всушност…,“ напиша Трамп на Твитер во првата порака, која веднаш беше следена од друга, во која обвини дека цели гласачки кутии биле изгубени или уништени на пат до пребројувањето, „како што нашироко се известува“.
…..there was a large number of secretly dumped ballots as has been widely reported!
— Donald J. Trump (@realDonaldTrump) November 4, 2020
Адвокатот на Трамп, Руди Џулијани, соопшти дека со правниот тим на претседателот заминал за Пенсилванија за да ги оспори изборните резултати во оваа сојузна држава, која се смета за една од клучните за исходот на изборите.
Џулијани на Твитер напиша дека во Филаделфија има „масовни измами“, тврдејќи дека демократите се обидуваат да ги „украдат“ претседателските избори и дека републиканците нема да го дозволат тоа, пренесува „Индипендент“.
Според него, врз основа на 75 отсто од преброените гласови во оваа држава, Трамп има предност од 550.000 гласови.
Кампањата на Трамп претходно најави правни постапки пред Врховниот суд поради нетранспарентност при пребројувањето на гласовите во Пенсилванија.
Ова ја отвора можноста за привремено запирање на пребројувањето на гласовите во оваа држава, која носи 20 електорски гласови.