Доколку САД не ја преземеа венецуелската нафта, Кина или Русија ќе го стореа тоа, изјави американскиот претседател Доналд Трамп, додавајќи дека двете земји би можеле да купат нафта од САД од Венецуела, што би било достапно „речиси веднаш“ бидејќи САД се „отворени за бизнис“.
– Едно нешто што мислам дека сите треба да го знаат е дека доколку ние не го сторевме тоа, Кина или Русија ќе го стореа тоа, рече Трамп во обраќањето пред раководителите на нафтената индустрија, објави CBS News.
Тој рече дека им кажал на кинеската и руската страна дека САД „се сложуваат многу добро“ со нив, но дека не сакаат тие да бидат во Венецуела.
„Им кажав на Кина и Русија: се сложуваме многу добро, ве сакаме, но не ве сакаме таму. Вие нема да бидете таму. Доколку ние не го сторевме тоа, Кина ќе беше таму и Русија ќе беше таму, можеби дури и двете заедно, но сега тие нема да бидат таму“, нагласи Трамп.
Според него, венецуелската нафта ќе биде достапна „речиси веднаш“, нагласувајќи дека САД, со својата нова улога во Венецуела, се „отворени за бизнис“, пренесува NBC News.
Тој претходно ги оправда потезите на својата администрација, вклучително и преземањето контрола врз продажбата на венецуелска нафта, за време на состанокот во Белата куќа со претставници на енергетскиот сектор, тврдејќи дека конкурентските сили како Кина и Русија во спротивно би го сториле тоа.
Изјавите на Трамп, проценува CNN, претставуваат отстапување од неговите претходни критики кон европските сојузници за водење бизнис со Русија за време на војната во Украина, кога тврдеше дека конфликтот ќе заврши ако земјите од НАТО престанат да купуваат руска нафта.