Оман ќе се однесува како сите други или ќе мора да ги дигнеме во воздух, изјави денес американскиот претседател Доналд Трамп, коментирајќи ги извештаите дека Иран и Оман постигнале договор за заедничка контрола на Ормутскиот теснец.
– Теснецот ќе биде отворен за сите. Никој нема да го контролира. Ние ќе го следиме. Но никој нема да го контролира, рече Трамп, додавајќи дека нема да прифати договор меѓу Иран и Оман за заедничка контрола на Ормутскиот теснец како дел од мировен договор, објави Скај њуз.
Американскиот претседател рече дека „тие би сакале да го контролираат“ и нагласи дека теснецот е дел од меѓународните води и дека „Оман ќе се однесува како сите други“.
„Или ќе мора да ги дигнеме во воздух, тие го разбираат тоа, ќе бидат во ред“, рече Трамп.
