Американскиот претседател Доналд Трамп денес изјави дека одлуката на Израел да го нападне Катар е донесена единствено од израелскиот премиер Бенјамин Нетанјаху.
„Едностраното бомбардирање на Катар, суверена нација и близок сојузник на Соединетите Американски Држави, која работи напорно и презема храбри ризици со нас за да посредува во мирот, не ги унапредува целите ниту на Израел ниту на Америка“, напиша Трамп на Truth Social.
Сепак, елиминирањето на Хамас, „кој профитираше од страдањето на народот во Газа“, е достојна цел, додаде Трамп.