Американскиот претседател Доналд Трамп денес изјави дека „рускиот упад со беспилотни летала во Полска можеби е грешка“, но исто така изрази фрустрација поради инцидентот што ги налути Варшава и другите сојузници на НАТО.
„Можеше да биде грешка, но без оглед на тоа, не сум среќен за ништо што има врска со целата ситуација. Но, се надевам дека ќе заврши“, им рече Трамп на новинарите во Белата куќа пред да замине за Њујорк со претседателскиот хеликоптер, објави Блумберг.
Трамп потоа додаде дека ќе ја осуди Русија „дури и затоа што е блиску до таа линија“.
„Не ми се допаѓа. Не сум среќен поради тоа“, рече Трамп.
Полска побара од своите сојузници дополнителни системи за воздушна одбрана и технологија против беспилотни летала за подобро да се заштити од руските упади по инцидентот кога беспилотни летала влегоа на нејзина територија од Украина и Белорусија и беа соборени од силите на НАТО.
На барање на Полска, НАТО го активираше Членот Четврти од Северноатлантскиот договор за да започне консултации меѓу своите земји-членки во врска со нарушувањето на полскиот воздушен простор од страна на беспилотни летала