Американскиот претседател Доналд Трамп му даде овластување на својот министер за одбрана Џејмс Матис да го одреди потребниот број на војници во Авганистан, изјави анонимен официјален американски претставник.
Тој истакна дека се уште не е донесена одлука за бројот на војниците, кој моментно се движи околу 8.400 лица.
Матис претходно предупреди дека талибанците напредуваат во Авганистан, додека администрацијата на САД разгледува нова стратегија во таа земја.