Американскиот претседател Доналд Трамп издаде извршна наредба со која се штитат приходите од венецуелска нафта од користење во судски постапки, објави денес АП.
Во наредбата се вели дека запленувањето на средствата може да „ги поткопа критичните напори на САД за обезбедување економска и политичка стабилност во Венецуела“.
Наредбата доаѓа во време кога врвните раководители на американските нафтени компании предупредуваат дека политичката и економската нестабилност во Венецуела ја прави земјата помалку привлечна за приватни инвестиции и реконструкција на инфраструктурата.
Извршниот директор на „ЕксонМобил“, Дарен Вудс, рече дека Венецуела „не вреди да се инвестира“ во моментов.