На Иран никогаш не треба да му се дозволи да произведе нуклеарно оружје, изјави американскиот претседател Доналд Трамп за време на својата посета на Ерусалим.
– САД и Израел се согласуваат дека Иран никогаш не треба да има нуклеарно оружје и треба да прекине финансирањето, обуката и вооружувањето на терористи и милитантни групи, истакна Трамп во присуство на израелскиот претседател Реувен Ривлин.
Според него, арапските соседни земји сфатиле дека заканата од Иран е нешто што ги обединува со Израел.
Во Саудиска Арабија тој се сретна со лидерите на сунитските држави од Персискиот Залив, од кои повеќето го обвинуваат Техеран дека предизвикува конфузија во нивните земји.
Трамп изрази оптимизам за мировниот процес со Палестинците, нагласувајќи дека на народот му е доста од крвопролевања и има огромна желба за мир на Блискиот Исток.