Американскиот претседател Доналд Трамп денес ги повика припадниците на Корпусот на Исламската револуционерна гарда, вооружените сили на Иран, да го положат оружјето, ветувајќи дека за возврат ќе им биде даден имунитет. Втората опција, според Трамп, е „сигурна смрт“. Трамп рече дека САД започнале „големи борбени операции“ во Иран, предупредувајќи дека може да има американски жртви.
Нападите, за кои Трамп вели дека се насочени кон уништување на иранските ракети и неговата морнарица, следат по повторените предупредувања на САД и Израел дека повторно ќе го нападнат Иран ако земјата продолжи со своите нуклеарни и балистички ракетни програми.
„Не ја давам оваа изјава лесно. Иранскиот режим сака да убива“, рече Трамп во видео споделено на неговата социјална мрежа Truth Social. „Животите на храбрите американски херои може да бидат изгубени и може да има жртви што се вообичаени во војната, но ние го правиме тоа, не за сега. Го правиме тоа за иднината и тоа е благородна мисија“, рече Трамп.
Вашингтон и Техеран во последните недели одржаа серија разговори за нуклеарните амбиции на Иран. Последниот се одржа завчера без договор.
„Иран одби, исто како што правеше со децении и децении. Тие одбија секоја можност да се откажат од своите нуклеарни амбиции и ние повеќе не можеме да го издржиме тоа“, рече Трамп.