Американскиот претседател Доналд Трамп се изјасни против воведувањето строги ограничувачки мерки во земјата поради ширењето на коронавирусот, за разлика од Велика Британија.
– Не сакаме строги ограничувачки мерки. Решението на проблемот не смее да биде полошо од самиот проблем!“, напиша тој на својот профил на Твитер, приложувајќи линк до материјалот на Би Би Си за заострување на рестриктивните мерки во Велика Британија и преминување на четврто ниво рестрикции.
И претходно, Трамп постојано се спротивставуваше на воведувањето на строги ограничувања во САД и се залагаше дури и за намалување на важечките забрани објаснувајќи го ваквиот пристап со фактот дека тие и штетат на економијата на земјата, што за возврат уште повеќе ја отежнува борбата против ефектите на коронавирусот.