Заменик-претседателот на Европската комисија Франс Тимерманс предупреди дека во Европската унија се зголемуваат нетолерантноста и екстремизмот против евреите, муслиманите, хомосексуалците и жените.
– Забележано е зајакнувањето на антисемитизмот, исламофобијата и хомофобијата, изјави Тимерманс на средбата на европските пратеници во Рига, главниот град на Летонија, која е актуелен претседавач на ЕУ.
– Има луѓе, кои го оспоруваат местото на жените во европското општество. Тоа е недозволиво. Треба да ја ставивме правната држава во центарот на дебатите, бидејќи доколку го немаме тоа немаме ништо истакна заменикот на Жан Клод Јункер.
– Доколку евреите во оваа Европа не можат да се чувствуваат како дома, со Европа е завршено. Доколку евреите сметаат дека нивната иднина не е во Европа, Европа нема иднина и тоа исто така важи и за муслиманите и другите малцинства. Доколку хомосексуалците сметаат дека треба да ја кријат својата хомосексуална ориентација, немаме никаква иднина за Европа, рече Тимерманс.