Талибанците денеска го нападнаа седиштето на полицијата во градот Пули Кумри при што загинаа најмалку три лица.
Според авганистанските власти талибанците упаднале во седиштето на полицијата и се уште трае престрелката.
Во болницата во Пули Кумри, главниот град на авганистанската провинцијата Баглан, хоспитализирани се 45 лица, а некои од нив се во критична состојба.
Нападот на талибанците почна со силна експлозија пред полициското седиште.
Талибанците ја презедоа одговорноста за нападот истакнувајќи оти бомбашот самоубиец употребил блиндирано оклопно возило „Хамви“ полно со експлозив.