Тајванската одбрана стрелала со предупредувачки истрели врз кинеско беспилотно летало

Од:

Тајванската противвоздушна одбрана денеска испукала предупредувачки истрели кон кинеско беспилотно летало што го прелетувало островот. Претходно претседателката на Тајван Цаи Инг-вен соопшти дека издала наредба до армијата да преземе „решителни контрамерки“ против она што таа го смета за кинеска провокација.

По реакцијата на тајванската одбрана, дронот се вратил кон Кина.

Тајванските власти претходно јавуваа дека кинески беспилотни летала постојано во мали групи летаат во близина на кинеското крајбрежје. За време на неодамнешните воени маневри, дронови на кинеската армија извршиле прелети над островите Кинмен што припаѓаат на Тајван.

Кинеското Министерство за надворешни работи вчера ги отфрли поплаките на Тајпеј за прелетите на беспилотните летала, нарекувајќи го тоа како „нешто за што не треба да се прави врева“.

Островите Кинмен во најблискиот дел се оддалечени само неколку стотици метри од кинеското копно.

Извор: МИА

Би можело да ве интересира

ВИДЕО: И холивудските филмови станаа дел од трговската војна меѓу САД и Кина

ВИДЕО: Кина го сподели говорот на Реган против царините од 1987

(ВИДЕО) Трамп се заканува, Кина не се предава: беснее војната со тарифите

Катерина Ѓуровски

Трамп се закани со нови царини за кинеските стоки – стапката може да достигне и до 104 отсто

Предраг Петровиќ

Кина ја повика Америка на „еднакви консултации“ за царините

Трамп упати „поздрав“ до Кина: Бевме глупава и беспомошна „боксерска вреќа“, но повеќе не