Портпаролката на кинеското Министерство за надворешни работи Мао Нинг и кинеската амбасада во САД споделија на социјалните мрежи снимка од говор од 1987 година во кој тогашниот американски претседател Роналд Реган ги критикува царините. „Роналд Реган против тарифите: Говорот од 1987 година добива нова важност во 2025 година“, напиша Мао на X.
Ronald Reagan vs. Tariffs: 1987 speech finds new relevance in 2025 pic.twitter.com/pAOKkNpK3w
— Mao Ning 毛宁 (@SpoxCHN_MaoNing) April 7, 2025
Кинезите го споделија говорот на Реган додека глобалните пазари паднаа откако американскиот претседател Доналд Трамп ги објави царините. Во меѓувреме, Трамп и се закани на Кина со дополнителни царини до 50 отсто доколку Пекинг не се откаже од царините од 34 отсто за американските производи.
Во радио обраќање на 25 април 1987 година, Реган остро ги осуди тарифите, предупредувајќи дека тие ќе доведат до колапс на пазарот, распаѓање на индустријата и губење на работни места за милиони Американци. Реган, кој живееше низ Големата депресија, предупреди дека Законот за тарифи Смут-Хејли, донесен во 1930 година, ја влошил тогаш растечката депресија и „го спречил економското закрепнување“.
„Има такви во овој Конгрес кои ќе го ризикуваат просперитетот на Америка за да угодат некоја интересна група, кои забораваат дека повеќе од пет милиони американски работни места се директно поврзани со извозот, а дополнителни милион работни места се поврзани со увозот“, рече тогаш Реган.
Се чини дека Кинезите го споделија говорот на Реган како предупредување до Трамп. Интересно е што Реган беше жесток антикомунист чија администрација обезбедуваше тајна помош на антикомунистичките движења на отпорот низ Африка, Азија и Латинска Америка.
Реган исто така верувал дека кинеската антикомунистичка влада, која побегнала во Тајван во 1949 година кога кинеската комунистичка партија ја презела власта, е легитимната кинеска влада. Сепак, Реган ја посети Кина во 1984 година и подоцна ја поздрави трансформацијата на Кина во поотворена и помалку изолирана земја.