НАТО има намера да го зголеми нивото на борбена готовност на стотици илјади свои војници поради зголемување на тензиите во односите со Русија, објави „Тајмс“, повикувајќи се изјава на генералниот секретар на Алијансата, Јенс Столтенберг.
Весникот наведува дека раководството на Алијансата има намера на располагање да стави доволен број војници, кои ќе можат да и се спротивстават на т.н. руска агресија.
Столтенберг изјави дека НАТО многу долго следел како Русија ја зголемува својата борбена моќ, како и на кој начин ја користи пропагандата меѓу сопствените сојузници.
Токму од овие причини НАТО е присилен да и одговори на Москва со најголемото зголемување на колективната безбедност уште од времето на Студената војна, истакна Столтенберг.
– Во рамки на силите на НАТО се наоѓаат доволен број луѓе. Во моментов разгледуваме какви мерки треба да се преземат за да се намали времето за префрлање на овие војници на фронтот, додаде Столтенберг.