Судот во Франција ја поништи денеска суспензијата на ветеранот на екстремната десница Жан-Мари Ле Пен од местото почесен претседател на партијата Национален фронт, чиј основач е тој.
Судот и наложи на партијата да го врати членството на Ле Пен, откако е суспендиран, по судирот со својата ќерка Марин, која сега се наоѓа на чело на партијата.
Нејзиниот 86-годишен татко се обрати, меѓутоа, до судот со барање да биде повторно вратен во партијата.
– Ле Пен може од утре наутро, повторно да почне да ја користи својата канцеларија и сите средства кои му се на располагање и да биде во сите органи во кои учествуваше како почесен претседател, рече адвокатот Фредерик Јоаким.