Околу 30 лица се полесно повредени во главниот град на францускиот остров Корзика, Бастија, при судири меѓу полицијата и учесниците во демонстрациите против новата одлука на локалното Собрание за стекнувањето права за купување имот.
Според француските медиуми, до судирите дошло кога околу 50 лица кои учествувале во протестот се поделиле во две групи и почнале да фрлаат со камења и молотови коктели кон полицајците што го обезбедувале собирот, кои возвратиле со солзавец.
Протестот е организиран поради незадоволство од одлуката на Собранието на Корзика со која на право на купување недвижен имот имаат лица кои најмалку пет години ќе живеат на островот.