Судењето на поранешниот италијански премиер Силвио Берлускони за плаќање на малолетнички за сексуални услуги ќе биде одложено додека не поминат парламентарните избори, кои се одржуваат овој месец, поради неговите обврски во предизборната кампања, одлучи денеска судод во Милано.
Следното рочиште на судскиот процес против Берлускони ќе биде одржано на 4 март, една недела по изборите кои се одржуваат на 24 и 25 февруари.
Судот во Милано го прифати аргументот на правниот тим на Берлускони дека неговата политичка кампања претставува легитимна пречка за присуствување на судењето.
Против Силвио Берлускони, кој е лидер на партијата Народ на слободата, се водат и други судски постапки поради затајување данок и други кривични дела, кои исто така ќе бидат одложени до март.