Генералниот секретар на НАТО соопшти за значително трупање руско оружје на границата со Украина. Тоа според него ќе придонесе проруските сепаратисти да преземат нова офанзива.
Јенс Столтенберг изјави дека Русија значително ги засилила испораките за бунтовниците и покрај примирјето ги снабдува со воена опрема и беспилотни летала.
Тој додаде дека таквата руска активност го нарушува договорот од Минск.
Според него, над илјада единици руска опрема меѓу кои и тенкови се испратени таму во изминатиот месец. Генералниот секретар на НАТО смета дека тоа дава основа за „голема загриженост“ и им овозможува на сепаратистите да преземат нова офанзива.