Столтенберг: Русија е директна закана за безбедноста на членките на НАТО

Од:

Русија претставува „директна закана“ за безбедноста на земјите на НАТО кои се собраа на самитот во Мадрид, изјави денеска генералниот секретар на Алијансата Јенс Столтенберг.

dobivaj vesti na viber

-На самитот, на кој за првпат од 2010 година треба да се ревидираат насоките на НАТО, ќе ставиме до знаење дека Русија претставува директна закана за нашата безбедност, нагласи Столтенберг.

Лидерите на НАТО на самитот во Мадрид треба да го усвојат новиот Стратешки концепт за следните 10 години, што ќе ги дефинира безбедносните предизвици со кои се соочува Алијансата и ќе ги наведе политичките и воените задачи што НАТО треба да ги изврши за да ги реши.

Во последниот Стратешки концепт усвоен во 2010 година, Русија беше дефинирана како стратешки партнер на НАТО.

-Тоа нема да биде случај во стратешкиот концепт за кој ќе се договориме во Мадрид. Очекувам сојузниците јасно да кажат дека Русија претставува директна закана за нашата безбедност, нашите вредности, меѓународниот поредок заснован на правила, изјави претходно Столтенберг.

За него самитот во Мадрид е историски, бидејќи НАТО минува низ „најсериозната безбедносна криза од Втората светска војна“.

Столтенберг нагласи дека очекува наскоро ратификација на шведското и финското членство во воената алијанса.

-Ќе донесеме одлука на самитот да ги поканиме Шведска и Финска да станат членки, со брзина невидена досега, изјави тој за новинарите на почетокот на вториот ден од самитот во Мадрид.

Извор: МИА

Би можело да ве интересира

Москва: САД се повеќе се директна страна во конфликтот

Катерина Павлова-Николовска

„Њујорк Тајмс“: Дали Русија ја користи Србија да поттикне конфликт на Балканот

Ана Ололовска

Чешка како претседавач со ЕУ ќе предложи укинување на визите за Русите на ниво на Унијата

Ана Ололовска

Куќен притвор за руската новинарка која се противи на инвазијата во Украина

Хил: Србија ќе влезе во НАТО кога тоа ќе го сакаат нејзините граѓани

Русија и Турција постигнаа договор за плаќање на гасот во рубљи