Генералниот секретар на НАТО, Јенс Столтенберг денеска изјави дека Алијансата не гледа „непосредни закани“ за нејзините членки, кои имаат блиски односи со Русија.
– Гледаме една Русија која се обидува да ги заплаши своите соседи со насилна промена на границите, истакна Столтенберг за време на својата посета на Букурешт.
Тој нагласи дека „НАТО не бара конфронтација со никого и сака да гарантира безбедност за своите членки на исток и југ“.
Столтенберг денеска планира да го посети Центарот за интегрирање на силите на НАТО во Букурешт, кој е идентичен на оние кои ќе бидат отворени во Полска, Бугарија, Естонија, Литванија и Летонија.