Генералниот секретар на НАТО, Јенс Столтенберг изјави дека со шефот на Пентагон, Џејмс Матис се согласил дека постои неискористен потенцијал на Алијансата во борбата против тероризмот.
Тој алудираше на обука на локалните сили и зајакнување на нивните капацитетите, додавајќи оти НАТО со години работел во Авганистан и на Балканот.
Столтенберг потенцира и дека од безбедноста во Европа корист ќе има и Северна Америка.
– Во време на превирање, во време на несигурност, потреба за силни меѓународни институции како НАТО.. Стабилноста во Европа е добра за сите нас, Двете светски војни и Студената војна не научи дека мирот и стабилноста се важни за Европа, но и за Северна Америка, истакна Столтенберг.
Матис, еден ден откако американскиот државен секретар Рекс Тилерсон објави дека нема да присуствува на состанокот на министрите за надворешни работи на НАТО во април, оцени дека трансатлантската врска е се посилна.
– Имаме многу силна трансатлантска врска. Таа зајакнува, односите не остануваат исти, тие секогаш се менуваат. Во овој случај, врската зајакнува, наведе Матис.