Доаѓањето на рускиот претседател Владимир Путин во Хановер, каде што со канцеларката Ангела Меркел ќе го отворат Саемот за технологија е пратен со силни безбедносни мерки.
Маритим Гранд Хотел, каде што рускиот претседател ќе преноќи се наоѓа под опсада на руски и германски безбедносни служби, а на околните згради се наоѓаат снајперисти.
Според полициските наводи во градот на кратко ќе бидат затворени и улиците, но не се очекува тоа да предизвика проблем во сообраќајот.
Путин вечерва со Меркел ќе го отвори саемот, на кој Русија е партнер, а во Германија ќе се задржи до утре.
Непосредно пред доаѓањето на Путин, германскиот вицеканцелар Филип Реслер ја критикуваше Москва поради контролите во германските фондации и невладини организации во Русија.
Елена Георгиевска