Судот во Каиро им изрече смртна казна на седум египетски христијани на кои им се судело во отсуство заради учество во антиисламскиот филм кој во септември предизвика насилни протести во многу муслимански земји.
„Седум обвинети лица се осудени заради навреда на исламската вера со учеството во продукцијата на филмот и неговото емитување кое го навредува исламот и пророкот Мухамед“, рекол судијата Саиф ал Наср Солиман, јави “Ројтерс“.
Продуцентот на филмот Накула Басил Накула, Американец со египетско потекло, е уапсен на крајот на септември во Лос Анѓелес затоа што ја прекршил условната слобода. Накула во 2010 година е осуден на 21 месец затвор поради банкарска проневера.