Израелскиот министер за финансии од крајната десница, Безалел Смотрич, ги објави плановите за одобрување на тендер за изградба на над 3.400 станбени единици во контроверзниот проект за населба Е1 помеѓу Ерусалим и Маале Адумим на Западниот Брег, објавија израелските медиуми.
Смотрич исто така, рече дека планот ќе „ја закопа идејата за палестинска држава“, објави „Тајмс оф Израел“.
Проектот е замрзнат со децении поради жестокото противење од меѓународната заедница, која стравува дека новата населба ќе го блокира одржливото решение за создавање палестинска држава, објави весникот.