Сингапур се најде на осмото место во светот и на прво во Азија во рангирањето според индексот на корупцијата, што за 2015 година го објави Танспаренси интернешанл.
На последно 167-мо место од азиските држави се наоѓа Северна Кореја, која овој неславен рекорд го држи над една деценија.
Корупцијата, која во најголем дел држави во Азија се уште е „стил на живеењето“, и натаму еден од главните проблеми во подрачјето во кое има 4,4 милијарди жители.
Во анализите на Транспаренси, но и во други проценки за состојбите во овој дел на светот, се констатира дека борбата против корупцијата формално е една од водечките идеи на политичките раководства, но во праксата корупцијата тешко се искоренува, а нејзините актери се судат само ако тоа е во интерес на актуелните политички гарнитури.
Намалување на корупцијата лани бележат повеќе држави од АСЕАН и Кина. Далеку од посакуваните резултати, но сепак со најголем напредок, се Индонезија и Кина, кои од 107 и 101 место на светсската листа во 2014 година, лани се спуштија на 88 и 80 место. Напредок имаат и на Филипините, кои од троцифрен дојдоа на листата држави со две бројки пред нивното рангирање.
Транспаренси интернешнанл во анализата за 2015 година поставува прашање – дали Малезија навистина заслужува да се најде меѓу најпозитивните во Азија. Малезија на светската листа е на 50 место, иако државата ја потресуваше скандал во врска со откриените 700 милиони долари на приватните сметки на премиерот Разак.
Скандалот, барем административно, сега е стопиран со одлука на државниот обвинител на Малезија, кој одлучи дека нема криминални и коруптивни активности на премиерот.