Синдикатите СЖТ, најголемиот синдикат на железницата во Франција, повика на штрајк секоја среда и четврток, со цел да има поголемо влијание во преговорите кои се во тек околу работните услови, јавува дописникот на МИА од Париз.
Штрајкот според СЖТ ќе биде секоја среда и четврток, односно ќе трае 48 часа неделно, истовремено и другиот синидкат Суд-рај, исто така повика на штрајк започнувајќи од 18 мај.
Двата други синдикати на железницата Унса и СФДТ се уште немаат донесено одлука дали и тие ќе повикаат на штрајк.
Треба да се знае дека железничарите веќе штрајкуваа три пати од март годинава.
Преговорите кои се водат сега се однесуваат на работните услови пред најавеното отворање на железничкиот патнички сообраќај за конкуренцијата.