Невреме со пороен дожд и силен ветер го погоди северниот италијански регион Ломбардија во саботата попладне и додека циклонот се движи од север се очекува да зафати и други делови од земјата. Поради силните ветрови, ситуацијата беше особено критична во близина на градот Монца и населбите Серењо и Ро во областа Милано.
Во Милано пожарникарите соопштија дека неколку покриви се однесени од ветрот. Железничката линија Милано – Алесандрија беше привремено затворена поради оштетувања. Невреме и обилни врнежи се очекуваат и во други делови на северна Италија, вклучувајќи ги регионите Лигурија, Пиемонт, Венето и Фриули.