Украинскиот министер за надворешни работи Андриј Сибиха денес изјави дека влегувањето на руски беспилотни летала во полскиот воздушен простор за време на нападот врз Украина покажува дека рускиот претседател Владимир Путин се извлекува неказнето и продолжува да ја шири војната.
„Путин само продолжува да ескалира, да ја шири својата војна и да го тестира Западот. Оваа ситуација покажува дека конечно треба да се донесе одлука за да се дозволи користење на партнерските капацитети за воздушна одбрана во соседните земји за пресретнување беспилотни летала и ракети во украинскиот воздушен простор, вклучително и оние што се приближуваат до границите на НАТО“, напиша Сибиха на мрежата X.
Полската војска соопшти дека влегувањето на беспилотни летала во воздушниот простор на земјата за време на нападот на Русија врз Украина претставува „чин на агресија“ што ја загрозува јавната безбедност и бара соборување на објекти, објави Ројтерс.
Полскиот премиер Доналд Туск изјави дека Варшава го информирала генералниот секретар на НАТО, Марк Руте, за дејствијата што ги презела Полска против руските беспилотни летала и дека операцијата против беспилотните летала е во тек.