Кинескиот претседател Си Џинпинг во денешниот разговор преку видео врска со американскиот претседател Џо Бајден истакна дека конфликтите и конфронтациите не се во интерес на никого.
– Односите меѓу државата не можат да одат до фаза на воени непријателства, посочи Си.
Како што објавија од кинеската државна телевизија ЦЦТВ, Си навел дека мирот и безбедноста се најценетите богатства на меѓународната заедница.
Официјален Вашингтон веќе им се закани на функционерите на кинеската влада на пониско ниво дека поголема поддршка за Русија може да доведе до изолација на Кина.
Извор: МИА