Шведска ќе тестира нова технологија наречена роеви со беспилотни летала, изјави шведскиот министер за одбрана Пал Јонсон.
Оваа технологија е заеднички развиена од компанијата за производство на воена опрема Сааб и вооружените сили на земјата.
Џонсон истакна дека технологијата е развиена во текот на изминатата година и дека ќе се практикува за време на претстојната воена вежба „Arctic Strike“, пренесува Reuters.
„Ќе мораме да преземеме ризици за да ја зголемиме нашата одбранбена способност побрзо отколку што правевме досега“, рече Џонсон.
Тој истакна дека гореспоменатата технологија овозможува да се формираат роеви од дронови со различна големина и тие потоа самостојно да решаваат задачи.
„Ваквите роеви ќе можат да вршат извидување, лоцирање и идентификација“, рече тој.
Шведска стана членка на НАТО во март минатата година и планира да ги зголеми трошоците за националната одбрана за да достигне 2,6 отсто од БДП до 2028 година.