Швајцарското гласачко тело, денеска преку референдум ќе се изјаснува за законот за целосна забрана за пушење во затворени простории.
Во швајцарските хотели, ресторани и барови дозволено е уредување на простории за пушачи, но според критичарите во овие простории може да биде загрозено здравјето на луѓето кои работат во нив. Одлуката за изјаснување за потполна забрана за пушењето и беше претставена на јавноста уште пред две години, но тогаш делумно оваа идеја ја “загушија“ тутунските компании потпомогнати од компаниите кои се бават со кетеринг и усгостителство.
Истражувањата на јавното мислење покажуваат како Швјацарците, кои инаку пушат значително повеќе од жителите на нивните соседни земји, нема да го подржат овој закон.
Интресно е што Швајцарија, значително покасно од своите соседи, Германија, Франција и Италија, започна да се занимава со законодавството за последиците од пушење.
Oсум кантони, меѓу кои и женевскиот, имаат воведено општа забрана за пушење во ресторани или барови, но во останатите 18 сосема либерално пристапуваат кон пушењето во затворени простории.