Возможно е постепено укинување на санкциите за Русија, ако биде постигнат брз напредок во примената на Договорот од Минск за решавање на конфликтот во Украиана, изјави денеска шефот на германската дипломатија Франк-Валтер Штајнмајер.
Тој посочи дека се надева оти до крајот на следниот месец ќе има напредок по ова прашање.
– Ќе видиме дали ќе можеме постепено да ги намалиме санкциите или ќе треба да ги зачуваме сегашните мерки. Ќе треба да се направи оценка за санкциите, дури и ако не биде постигнат напредок. Не ни е целта да ги задржиме санкциите, туку да го решиме конфликтот, истакна Штајнмајер во главниот град на Естонија, Талин.
Вчера, Штајнмајер ги посети Вилнус и Рига, каде потенцира дека ќе биде потешко да се продолжат санкциите на Европска унија за Русија подари „зголемениот отпор“ од некои земји-членки.