Околу 600 лица се евакуирани од едно село во областа Коста дел Сол, на југ на Шпанија, поради шумски пожар.
Како што пренесе „Франс прес“ повеќе од 100 пожарникари и неколку авиони и хеликоптери биле ангажирани за гаснење на пожарот, кој беснеел на подрачјето на националниот парк Сијерас де Тахеда, во близина на село Компета, на 50 километри од Малага.
Локалната противпожарна служба соопшти дека пожарот е ставен под контрола, по операција која траела неколку часа.
Е. Г.