Русија би можела да поднесе тужба против Франција во следните шест месеци поради неиспорачување на носачите на хеликоптери „Мистрал“, изјави денеска рускиот министер за одбрана Сергеј Шојгу.
– Доколку договорот не биде исполнет, ќе биде поднесена тужба, рече Шојгу, јави ТАСС.
Тој додаде дека процедурата би можела да потрае шест месеци и оти Русија побара од Франција официјално објаснување поради неиспорачувањето на „Мистрал“, како што беше договорено со договорот од 2011 година.