Шестмина убиени и 13 ранети е билансот од 15 експлозии на јавни места во јужниот кинески град Лиужу, јавија државните медиуми.
Бомбите биле скриени во поштенски пакети. Градот се наоѓа во југозападниот автономен регион Гуанжи Чуан кој граничи со Виетнам.
Експлозиите се случиле во временски интервал од два часа од 15.15 до 17 часот полокално време во трговски центар, на пазари, автобуска станица, неколку административни згради и во затвор. Полицијата засега не соопшти за осомничени ниту пак за потенцијални мотиви за нападите.