Северна Кореја денеска во водите на Јапонското Море истрела две ракети со краток дострел, како реакција на започнатите воени вежби на Јужна Кореја и САД, соопшти Генералштабот на јужнокорејската Армија.
Како што јави агенцијата Јонхап, ракетите биле истрелани од провинцијата Северен Хвангхае, која граничи со Јужна Кореја, и по прелетаните 500 километри паднале во водите на Јапонското Море, источно од севенокорејскиот крајбрежен град Вонсан.
Според јунжнокрејскиот Генералштаб, истрелувањето на ракетите претставува воена провокација, која е одраз „на фрустрациите на Пјонгјанг“ поради неколкунеделните заеднички воени маневри на САД и Јужна Кореја.
Пред една недела, Северна Кореја во водите на Јапонскоот Море истрела шест ракети со краток дострел со калибар од 300 милиметри.